حبال الموت البارت الثامن

1539 Words

حبال الموت البارت العاشر بقلم / غادة سعيد . . . _ ازيك يا ميرفت انتي فكراني . . . . = طبعآ فكراكي يا سلمي انا اقدر انساكي ازاي دانتي صورتك محفورة في ذاكرتي عشر سنين ... عشر سنين ياسلمي واخدة مني بنتي مش عارفه اشوفها عملتي فيها ايه قتلتيها صح . . . عشان تحرقي قلبي زي ماحرقت قلبك علي بنتك . . _ قتلت مين انتي اتجننتي فرح دي روحي دي بنتي الي انتي خدتيها مني منك لله انتي الي عملتي فينا كل ده انتي الي بهدلتينا كنا عايشيين كويسيين انتي الي حرقتي قلبي علي ينتي عاوزه مننا ايه تاني مش هتشوفي فرح يا ميرفت مش هتشوفيها لو عملتي ايه عاوزه تاخديها مني وتقوليلها الحقيقة لا يا ميرفت مش هستني انك تعملي فيا كده فرح متعرفش عنك حاجه ولا هتعرف . . . . = هتعرف ياسلمي ان انا امها الحقيقية وانتي مجرد واحدة بتربيها وكذبتي عليها طول العمر ده وهاخدها منك وهحرق قلبك للمرة التانية هاتيلي بنتي اشوفها بس انا هموت خلاص ريحيني قبل ما اموت. . . . _ مين دي الي تموت الي زيك هيعيش عشان يق*ف غيره انتي الموت راحه ليكي وانتي عمرك ما هترتاحي لكن انتي موتيني مرة وم**مه تموتيني التانية وتحرقي قلبي علي بنتي تاني انتي شيطانه مش ممكن تكوني بني ادمه وبتحسي . . . = برضو بتقولي بنتك بنتك ب آمارة ايه انتي نسيتي انك مستحيل تخلفي تاني هتجبيلي بنتي اشوفها ولا انا هوصلها بطريقتي _ يعني انتي في نيتك انك توصليلها وتعرفيها الحقيقه انا كنت فاكرة انك بس عاوزه تشوفيها وتبعدي عننا انا كنت جاية عشان اشوف نيتك مش اكتر وعالعموم مش هتشوفيها واعلي ما في خيلك اركبيه . . . . . = طيب انا هوريكي انا هعمل ايه واقدر اوصلها ازاي . . .. سابتها سلمي ومشيت وهي منهارة وبتفكر ميرفت هتعمل ايه عشان توصل لفرح وراحت لمامتها حكيتلها عن كل حاجه واختها كانت وصلت وجت من الجامعه بس كان باين علي وشها الإرهاق _ مالك يا سمر . . . . = ابدآ ياسلمي انا بس حصل معايا موقف غريب اوي هبقي احكيلك بعدين _ لا انتي قلقتيني في ايه انتي كمان احكيلي دلوقتي قبل ما امشي . . . = ماشي هدخل الاوضة اغير واجي احكيلك علي رواقه . . . دخلت سمر الاوضه وغيرت وجت عشان تحكي لسلمي الموقف الغريب الي حصلها وقالتلها _ تليفوني رن الساعه ٣ الفجر وانا متعوده اعملو سايلنت قبل منام بس مش عارفه ليه نسيت اليوم ده اعمله _ الوو مين معايا.. سمعت صوت راجل كبير بس مكنش صوته واضح خالص والشبكه بتقطع _ألحقيني ارحميني من العذاب الي انا فيه _عذاب ايه وانت ميين الو الو الو....والخط قطع حاولت اتصل تاني التليفون اتقفل قمت من النوم مفزوعه قلت ياترا مين ده وجاب رقمي منين ولا انا بيتهيألي وكنت بحلم بس لأ دا رقمو عالتليفوون احسن يكون حد محتاج مساعده فعلا مجاليش نوم خالص لحد مالنهار طلع ونزلت بسرعه رحت عالقسم وحكتلهم عالي حصل لقيت الظابط بيقولي انتي بتهزري يا انسه دا اكيد حد بيعا** متحطيش في دماغك حد بيعا** ازاي دا صوت راجل كبير انا حسه ان في حاجه _لأ متحطيش في دماغك بس ومترديش علي ارقام غريبه وضحك ضحكه سخيفه رحت مشيت وانا مش عارفه اعمل ايه واتصرف ازاي افتكرت اني عندي واحده صاحبتي في شركه الاتصالات كلمتها من غير تردد ...الوو ايوة يا أية ازيك _ ايوة ياسمر الحمد لله انتي عامله ايه _ أيه انا عوزاكي في موضوع ممكن نتقابل _ في حاجه يا سمر قلقتيني _ لأ بس كنت عاوزه اقابلك _ طيب قابليني النهارده بعد العصر _ تمام ماشي .. قفلت وانا بكلم نفسي ياتراا هتقدر تساعدني رحتلها بعد العصر فعلا _ أية : خير ياسمر قلقتيني في حاجه _ لا يا ايه انا كنت عوزاكي تساعديني _ أيه باستغراب : اساعدك!!! ايوة تساعديني وحكتلها الي حصل كلو اية: طب وانا ممكن اساعدك ازاي _ انا عوزاكي تجيبيلي الرقم دا بإسم مين ومكانو اية: بس دا ياسمر حاجه خطيرة ومينفعش اطلع معلومات برة الشغل وبعدين ممكن فعلا يكون حد بيعا** _ مش مهم حتي لو بيعا** اكون عرفتو وأرتحت انا مش عارفه انام ارجوكي يا أيه ساعديني _ حاضر هحاول والله بس يارب ميرفدوني مشيت روحت بيتي وانا عماله افكر ياترا الرقم هيكلمني تاني وعدا اليوم وبرضو معرفتش انام خالص كنت مستنيه تليفوني يرن بليل بس مرنش تاني يوم الضهر لقيت تليفوني بيرن ببص لقيتها أيه .... قلبي اتقبض ياترا هتقولي مين صاحب الرقم ولا هتقولي مش هقدر اساعدك..رديت بسرعه الووو ايوة يا أيه _أيه بصوت خايف: ايوة ياسمر انا عرفت مين صاحب الرقم وكااانت الصدمه ..... أيه بصوت خايف ايوة ياسمر انا عرفت مين صاحب الرقم _ مين يا أيه قولي بسرعه _ أيه: الرقم ده ب أسم رجل الاعمال المشهور أدهم باشا _ ادهم باشا??? طيب وهو يعرفني منين وجاب رقمي منين وبعدين يا أية الي كلمني دا راجل صوتو كبير فالسن مستحيل يكون هو أدهم باشا دا شاب صغير وانا عارفه صوتو كويس بسمعو كتير فالتليفزيون انتي متأكده يا أية ان الرقم ده بأسمه _ ايوة والله ياسمر متأكده _ طيب يا أية انا عاوزه منك اخر خدمه ومش هطلب منك حاجه تانيه _ اتفضلي يا سمر _ انا عوزاكي تجيبيلي موقع المكان الي كلمني منو _لأ يا سمر مش هقدر ارجوكي كفايه لحد كده ومتعمليش مشاكل وخرجي نفسك من الموضوع ده دي ناس كبيرة في البلد واحنا مش قدهم _ ارجوكي يا أيه مش هطلب منك حاجه تاني والله _ هحاول يا سمر حاضر قفلت معاها وانا بكلم نفسي ايه علاقة أدهم باشا بيا ومين ال كان بيكلمني ده الموضوع ميطمنش خالص فجأه تليفوني رن رديت بسرعه دي أيه _ ايوة ياسمر الي كلمك ده كلمك من مكان علي الطريق الصحراوي الكيلو ٨٩ _ ياترا هيكون مين ده يا أيه انا هتجنن _ سمر طلعي نفسك من القصه دي خالص انتي مش أد الناس دي _ حاضر يا أيه خلاص سلام قفلت التليفون واعدت افكر مع نفسي يا ترا هيكون مين الي كلمني و ايه المكان ده وروحت عشان انام بس معرفتش انام صوت الراجل الي كان بيكلمني بيرن فوداني ياترا هو مين انا لازم اروح واعرف بنفسي بس هروح مع مين والدتي ست مريضه عمرها ما هتقدر تنزل من البيت ووالدي متوفي ومعنديش اخوات ولو حكيت لحد هيخاف يجي معايا انا هروح لوحدي عشان ضميري يرتاح وخلاص ... تاني يوم اول مالنهار طلع حضرت نفسي اروح وركبت الباص ونزلت عند الكيلو ٨٩ السواق استغرب _ انتي نازله هنا يا انسه تعملي ايه _ رايحه لقرايبي _ قرايب ايه يا انسه دا مكان مهجور _ يا عم خليك في حالك _ براحتك يا آنسه اتفضلي انزلي انتي حرة نزلت وانا مرعوبه المكان كلو صحرا فضلت ماشيه الكيلو ٨٩ من اولو وفي اخرو لقيت فيلا كبيرة هي الوحيده ال موجوده فالمكان ده كنت خايفه ادخلها جدا بس فضولي قتلني قلت يمكن اوصل لحاجه دخلتها لقيتها فيلا مهجوره طلعت فوق كل الشقق مفتوحه ومفيش اي حد فقدت الامل رحت نازله قلت اروح وخلاص لحسن الوقت يتأخر ومعرفش اروح وانا نازله لقيت اوضه تحت السلم مقفوله بقفل استغربت جدا اشمعنا الأوضه دي الوحيده ال مقفوله وباقي الشقق مفتوحه حاولت ازقها متفتحتش افتكرت اني كنت بشوفهم فالتليفزيون بيفتحو القفل ببنسة الشعر جبت البنسه من شعري واعدت احاول وبالفعل القفل فتح قلبي اتقبض لما القفل فتح وفتحت الباب دخلت لقيت الاوضه منورة ب لمبه صغيرة وريحتها قذرة جدا ومليانه حشرات ولقيت في اخر الاوضه راجل عجوز رجليه مقطوعه وايدو مربوطه ب جنزير حديد نايم اتخضيت وجسمي اتنفض رحتلو صحيتو وقولتلو انت مين صحي مفزوع _ انتي الي مين ... حكيتلو عالي حصل كلو وانا جيت هنا ازاي وصاحبتي والرقم والمكان مقدرش يمسك دموعو ولقيتو بيقول الحمد لله ياااارب انا كنت خايف اموت هنا لوحدي قولتلو انت مين الي عمل فيك كده... _ انا يابنتي ابقي والد أدهم باشا المشهور وهو الي عمل فيا كدا من ساعه ما عملت الحادثه ورجلي اتقطعت جابني هنا ورماني عشان خايف حد يعرف انو عندو أب معاق _ طيب ازاي دا بيعمل اعمال خيريه كتير وكلنا بنحبه ونحترمه _ بيعمل اعمال خيريه !!!!! وبدأت دموعه تنزل اكتر وقال دنا ياما اترجيتو قولتلو ارميني فالشارع او فدار مسنين بلاش تدفني بالحيا قالي عشان تفضحني ويعرفو انك ابويا _ مقدرتش امسك دموعي وافتكرت ابويا الي مات وانا صغيرة وكان نفسي هو الي يربيني وازاي حد يعمل ده في ابوه وانت ازاي اتصلت بيا وجبت رقمي منين _ اليوم ده أدهم كان جاي يرميلي الاكل بتاعي زي كل اسبوع وهو ماشي اتكعبل والتليفون ده وقع من جيبو خدتو وخبيتو وقلت هكلم اي رقم يمكن حد يقدر يلحقني ومكنتش اعرف انك هتدوري عليا يابنتي انا بشكرك جدا طلعيني انا عايزه اموت برة مش عاوز اتدفن بالحيا هنا _ حاضر بس قبل ما اطلعك ابنك دا لازم ياخد جزائه عالي عملو _ الي تشوفيه يابنتي بس طلعيني اتصلت بالشرطه وقلتلها عالمكان وبعد نص ساعه جم كلهم وكانو في حاله ذهول وقبضو علي أدهم باشا ولما شفتو كنت عاوزه اعرف هو عمل كده ليه شفته لقيته بكل جبروت بيقولي: انتي ايه ال جابك هنا ؟.؟ _ قولتله انت ازاي هان عليك تعمل كده في ابوك كل ده عشان الفلوس والشهرة اد*ك اتفضحت وهتتحبس ...ضيعت ابوك وضيعت فلوسك اكتفى بالسكوت ومعرفش يقولي ايه وخدوه عالقسم عشان يحققو معاه وطلعو الراجل الغلبان من التربه الي ابنه كان دفنو فيها وهو حي وهو طالع لقيتو بيقولي ربنا يباركلك يابنتي انتي رجعتيني تاني للدنيا وبيضحك في وشي ❤❤ = ياااه بقي كل ده حصل معاكي يا سمر واحنا قاعدين نايميين علي ودانا ومنعرفش حاجه _ خوفت تمنعوني ياسلمي وانا كنت حاسه ان فيه مصيبه ورا الموضوع . . . فجأه تليفون سلمي رن . . . يتبع

Free reading for new users

Scan code to download app

App Store Google Play

Facebookexpand_more