حبال الموت

حبال الموت البارت العاشر

حبال الموت

البارت الثاني عشر

بقلم/ غادة سعيد

_ يااه يا ندي كل ده حصلك من ورا واحده صاحبتك انتي قصتك صعبة وكل حاجه بس انا قصتي اصعب بكتير

انا صاحبتي آذتني في اعز ما ليا خدت مني روحي . . .

روحي راحت وغابت عني وقدري حرمني من اعز ما ليا والفراق صعب عليا اوي . . . .

=إهدي بس يا سلمي وفهميني فيه ايه . . . . .

_ بنتي راحت مني بسبب واحدة معندهاش قلب ولا رحمه واحدة مبتفكرش غير في نفسها وراجعة دلوقتي تبوظ حياتي ب انانيتها وحقدها بس انا مش هديها الفرصه يا ندي مش هخليها تتهني يوم واحد وهدوقها من نفس الي دوقته

كتابات ل ghada saeed

= انا بصراحه مش فاهمه انتي قصدك ايه يا سلمي انتي كان عندك بنت غير الي عندك دلوقتي

_ كان عندي اجمل بنت فالدنيا كانت ملاك بريء آمنت واحده كانت المفروض صاحبتي عليها كانت بتربيها معايا صعبت عليا عشان مكنش جوزها بيخلف بقيت اشتغل واسيبها معاها معظم الوقت مكنتش اعرف الي بتدبروا ليا حسبي الله ونعم الوكيل فيها

= انتي عاوزه تفهميني انها قتلت بنتك

_ قتلتها مش ب ايديها دي حرقت قلبي اكتر وخليتها تموت نفسها خلت طفلة مش فاهمة حاجه تنتحر عمرك شوفتي قسوة زي دي . . . . . دي واحدة معندهاش قلب انا بموت كل يوم ومكفهاش الي عملته في فرح راحت لفت علي جوزي واتجوزته ولبست جوزها مصيبه

= انتي بتتكلمي بجد دي واحدة خارقة للطبيعه بقي ازاي عرفت تعمل كل ده دا إبليس يتعلم منها

وهي راحت فين دلوقتي . . . . .

_ المفروض انها مسجونه بس عملت نفسها مجنونه عشان ينقلوها من السجن لمستشفي المجانين وهي ولا مجنونه ولا حاجة دي عقلها يوزن بلد

انا بس خايفه تطلع وتاخد فرح مني انا ممكن اموت فيها

= مش هتاخدها ان شاء الله دي لسه بدري علي ما تطلع

_ بس انا مش متطمنه وحاسه انها ناويالي نية سوده علي دماغي وكل حاجه هتنكشف الكدب ملوش رجلين

= انا اسفه يا سلمي انا لازم امشي دلوقتي عندي ميعاد مهم وهكلمك ونتقابل تاني خليكي علي اتصال معايا . . . .

راحت سلمي علي مامتها عشان تاخد فرح وتمشي وهناك كانت مامتها مجهزلهم شوية اكل عشان ياكلوا مع بعض .. . .

راحت لقت فرح نامت شوية وبتصحيها عشان تاكل لقيتها بتعيط وهي نايمه

_ اصحي يا فرح مالك يا حبيبتي اصحي في ايه

= نفس الست الي بتظهرلي فالحلم انا معرفش هي عاوزه مني ايه عمالة تجري ورايا فالحلم وانا معرفهاش اكيد هي عاوزه توصلي رسالة

_سيبك من الكلام ده يا فرح دي خرافات وقومي عشان ناكل مع بعض

= لا يا ماما انا مش جعانة ولا هاكل غير لما اعرف مين الست دي وعاوزه مني ايه وكل شوية تطلعلي فالحلم ليه انا مش هيجيلي نفس آكل تاني معلش

_ ليه يابنتي بس كده خلاص تعالي نروح لبابا انا كمان مش هاكل طالما انتي مش هتاكلي

. ..

خدتها وروحنا عالبيت وهناك كان شريف قاعد مستنيني عشان يعمل مشكلة لأني رحت ل ميرفت من غير ما اقوله . . .

اول ما دخلنا شريف كان قاعد في الصالة وفرح راحت اوضتها وقفلت علي نفسها . . . .

_ ما لسة بدري يا ست هانم كل دا قاعدة مع صاحبتك الي من ايام الجامعه . . . . . . .

= مين قالك كده انا كنت قاعدة مع ماما وروحت من مشوار صاحبتي من بدري

_ انا عاوز اعرف حاجة واحده بس ايه وداكي عند ميرفت بتجيبي مشاكل ليه متسيبيها في حالها وانتي في حالك ولا انتي بتدوري عالمشاكل وخلاص انا مش فاهمك بصراحه انتي عاوزه ايه منها مش حبسناها وخدنا بنتها وخلاص . . . . . . .

= وطي صوتك ده فرح تسمعك هكون عاوزه منها ايه يعني عاوزه اخليها تبعد عني وعن بنتي واشوف نيتها ايه من ناحيتنا

_ وطلعت نيتها ايه بقي يا ست الفيلسوفه

= نيتها زفت من ناحيتنا عاوزه تنتقم مننا وتاخد بنتها بس انا مش هسمحلها تعمل فيا كده كفاية الي عملته قبل كده فيا مش هديها الفرصه دي . . . . . .

_ مش هتعمل كده ميرفت مستحيل تعمل كده اسأليني انا

= انت مالك بتتكلم عليها علي اساس انها ملاك نازل من السما ليه فوق ياشريف ومتنساش هي عمل في بنتك ايه وعملت فيا ايه لما خدتك مني . . . . . . .

_ طيب اقفلي الموضوع ده لو سمحتي بقي وقومي حضريلي حاجه اكلها . . . . .

= ايوة قول بقي انك جايبني عشان أعملك اكل حاضر يا سيدي هجهزلك الاكل . . . . . .

قومت اجهز الاكل فجأه جاتلي رسالة عالتليفون من رقم غريب بتقول . . . . .

_ مش هتتهمني يوم يا سلمي يا خطافه العيال من حضن امهم مش هسيبك تتهني يوم واحد

التليفون وقع من ايدي من الخضة ولقيت جسمي كله بيترعش لقيت شريف جاي يجري عليا من منظري

_ في ايه يا سلمي مالك فيكي ايه

= ميرفت بعتالي رساله بعتالي رساله تهددني انا قولتلك انها مش هتسيبنا في حالنا والله وهتاخد فرح

_ ميرفت مين الي بعتتلك رساله انتي اتجننتي ولا تقدر تبعتلك حاجه دي محبوسه ومعهاش تليفون تبعت منه استهدي بالله كده مفيش الكلام ده خالص

= امسك التليفون وشوف بنفسك بعتالي ايه

مسك تيفوني وفجأه لقي الشاشة ات**رت من الوقعه وكل حاجه مبقتش باينه وهو كمان مكنش مصدقني وبيقول اني بيتهيألي واني بدأت اتجنن بسبب ميرفت . . ..

لكن انا متأكدة ان الرسالة دي جاتلي من ميرفت انا مش مجنونه ومحدش هيبعتلي كده غيرها هي الي عاوزة تخرب حياتي تاني بعد ما رضيت بحكمة ربنا وحتة مني ماتت اب*ع موته ورجعت روحي ردتلي تاني مع فرح عاوزه تعمل فيا ايه تاني ربنا ينتقم منها اشد انتقام . . . . . . . . . . .

جهزت الاكل وناديت فرح عشان تاكل لكن رفضت وقالت انها عاوزة تنام . ....

قعدنا عالأكل انا وشريف ولقيته بيقولي علي فكرة وائل كلمني وعاوزني اساعده انه يرجع ل ميرفت عشان مش قادر يعيش من غيرها . . . .

_ هو وائل ده مجنون مش عارف يعيش من غير مين هو نسي الي عملته فيه بعد ما اتهمته بقتل فرح وحبسته كام يوم وهو مظلوم عاوز يرجعلها تاني ازاي هو اتجنن ولا معندوش دم ولا ايه بالظبط . . . .

= يا ستي وانتي مالك بتتكلمي عليها ليه ما تسيبيه يرجعلها انتي ايه دخلك . . . . .

_ خلاص متدخلش انت خالص فالموضوع خليك بعيد عنها ربنا يكفينا شرها وتبعد عننا

= انا كنت هساعده بس عشان يشبعو ببعض ويحلوا عننا احنا . . . . .

_ تصدق فكرة وياخدها ويسافر ونبقي خلصنا منها ومن سيرتها الزفت . . . .

فجأه تليفون شريف رن

_ الو ايوة يا وائل خير . . . . .

= ميرفت هربت من المستشفي يا شريف . . . . .

_ ايه انت بتقول ايه . . . ..

يتبع