حبال الموت البارت السابع

1309 Words

حبال الموت البارت التاسع بقلم / غادة سعيد _ : ميرفت عاوزة تشوف بنتها وحالتها صعبة اوووي ‏ بالرغم كل الي عملته ده انا مش قادر اسامحها ‏ فعلا ربنا ‏ اسمه الحكم العدل ومفيش حاجة بتروح زي ما حرقت ‏قلبك ، وقلبي و موتت بنتنا فرح وكمان فرقت ‏ بيني ، و بينك واكيد انتي كمان عمرك ما ‏ هتسمحيها ‏ ‏= : نعم انت بتقول ايه اسامحها ازاي أنا كل يوم افتكر منظر بنتي قدام ‏ عيني وهيا متعلقة في الحبل واد ايه أنا كنت بعاملها ‏ بحب وإخوة وهيا كانت حقودة وقلبها اسود كده ‏ وكمان ‏ _ : انتي متعرفيش كانت بتحاول تخليني اكرهك ‏ واشوفك مقصرة في بيتك وفعلا نجحت أنها ‏ تعمل كده طب والحل ايه ياسلمي.... = : أنا خائفة اوووي يا شريف ؛ ‏ أنا مش عاوزة فرح تروح مني ، أو مرفت تاخدها مني انا مش هستحمل ابدا يا شريف _ : طب تعالي نسافر برا يا سلمي ومنجيش هنا ‏ تاني = : نسافر لا طبعا يا شريف مش هينفع وشغلك ‏ ‏ واهلنا وامي وحياتنا ‏ ‏ _ : طب ونعمل ايه عندك حل أنا استحالة اخلي ‏ بنتي تضيع مني ولا اخلي مرفت تبعدك عني ‏ ياسلمي تاني ‏ = : يا شريف الهروب عمره ما كان حل ابدا لأي ‏ مشكلة ‏ لازم نواجه خلاص كده الي كنت خايف. منه ‏ طول عمري أنه يحصل هيحصل يا شريف ‏ كنت دائما اقولك لازم فرح ‏ تعرف الحقيقة أنا أم وقلبي اتحرق علي بنتي بس هنقولها ازاي وهيا هيكون رد فعلها ايه لما تعرف ؟! هتكرهني ؟ ولا هتعذرني ! ولا هيحصل ايه ؟ لازم اشوف حل أنا خلاص دماغي هتفرقع من التفكير..... _: طب نامي دلوقتي والصباح رباح ياسلمي = : طيب يا شريف تصبح على خير وانتي من اهله ...... _: يا ماما الحقيقي يا ماما أنا خايفه =: قوم يا شريف الحق بنتك بتصرخ ... ‏ ‏_ : .ايه يا حبيبتى مالك في ايه. ‏ ‏= : الست الي بشوفها في الحلم شفتها تاني وبتقولي ‏ متخافيش قريب اووووي هنبقي مع بعض أنا خائفة ‏ اوي _ : يا فرح متخافيش أنا وبابا هنا يا حبيبتي جمبك = : أنا عاوزة اعرف بس ليه الست دي بحلم بيها _ : عارفة يافرح _ : أيوة يا بابا _ . : في واحدة ست قريبتنا ‏ ‏ نفسها تشوفك وهيا كان عندها بنت حلوة زيك ‏ كده وماتت ومن ساعتها وهيا لما عرفت أن اسمك فرح علي اسم بنتها عاوزة تشوفك بجد يا بابا = : أنا كمان عاوزة أشوفها يا حرام دي صعبانة عليا اووووي _ : يالا تصبحي علي خير ... ‏ ‏= : وانت من أهله يابابا طب خلي ماما تنام في حضني علشان أنا قلقانة ‏ ‏_ : طبعا يا حبيبتي هنام في حضنك انتي روحي ‏ تعالي ياروح روحي = : أنا مش عارفة يا شريف انت مجنون ولا ايه ليه ‏ عملت كده امبارح بليل وقلت للبت كده طب اعمل ايه ياسلمي تعمل ايه كنت خدتها في حضنك ‏ وحكيتلها حدوتةمش تقولها كده. انت ناوي تاخدها وتوديها لمرفت يا شريف وترجع ‏لمرفت ولا حكايتك ايه بالظبط _ : . يا سلمي أنا مش عارف ‏اعمل ايه ومش عارف اتصرف ازاي وفي نفس الوقت عاوز البنت تشوفها ونخلص وبعدين ده مش وقته أنا كده هتأخر علي شغلي لما ارجع أن شاء الله نتناقش أنا اكيد مش هقولها أن سلمي مش امك وان الست المجنونة الي بتحلم بيها دي امها ولازم برضه نشوف حل وانتي مرضتيش أننا نسافر عندك حل تاني قوليه مرفت دلوقتي معاها وائل واكيد مش هيسكت غير لما يخرب حياتنا لازم امسك العصاية من النصف سيبني اروح شغلي ولما ارجع نشوف هنعمل ايه ماشي طيب يا شريف ماشي أنا هخرج مع فرح احاول تنسيها العك الي انت عملته يارب البت مابقاش فاكرة لما تصحي ومش هوديها المدرسة انهاردة طيب ياسلمي اعملي الي انتي عاوزه لما ارجع نتكلم ......مع السلامة _ فرح يا فروحة حبيبتي تحبي احضرلك الفطار وبعدين ننزل نشتري حجات حلوة لفرح انهاردة هنخرج وننبسط اليوم كله ايه رأيك؟؟؟ _ بجد يا ماما طب والمدرسة = لا غيبي يوم بقي وتعالي نعمل احلي خروجة طب يالا بينا طب بصي تعالي نلبس وتنزل نفطر في المطعم الي بحبه طيب =يا حبيبتي البسي هدومك بسرعة ويالا بينا لبسوا ونزلوا المطعم الي فرح بتحبه وهما هناك سلمي قعدت تتكلم مع فرح ومسكت ايديها وقالتلها... _ انتي عارفه يا فروحه انا بحبك اد ايه صح ولا لا... = ليه ياماما بتقوليلي الكلام ده انا عارفه انك بتحبيني وانا كمان بحبك اوي اوي _ يعني مهما حصل مش هتكرهيني ... = في ايه ياماما متخوفنيش بقي انتي بتعيطي ليه هو فيه حاجه حصلت او انا زعلتك في حاجه . .. _ لا ياحبيبتي ابدا انا بس قولت اما اتكلم معاكي شوية ها بقي تاكلي ايه اطلبي الي انتي عوزاه . . . _ بصراحة انا مش جعانة انا عاوزة آكل ايس كريم . . . = حاضر ياحبيبتي وانا كمان هاكل زيك ايس كريم . . . طلبوا الايس كريم وبعد مخلصواا _ فروحه ايه رأيك نروح عند تيتا نزورها اصلها وحشتني اوي = بجد انا كمان نفسي اشوف تيتا اوي يلا ودينا هناك يارب تكون خالتو كمان هناك عشان وحشتني اوي. . . . سلمي خدت فرح وراحت عند مامتها .. للعلم مامتها عارفه كل حاجه عنها بس متعرفش لسه موضوع ظهور وائل و ميرفت تاني ... . . _ ازيك ياماما = سلمي وفروحه انا مبسوطه اوي انكم جيتوا لسه كنت بفكر فيكم بقول المجرمين دول مبقوش يجوا ليه . .. . _ حقك عليا ياماما مدرسه فرح معطلانا عنك متزعليش = مالك يا سلمي وشك مش عاجبني ... _ فرح ممكن تدخلي تلعبي جوة باللاب توب شوية = حاضر يا مامي... . . . _ ماما انا في مصايب سودة كل الي بنيته السنين الي فاتت دي بدأ يتهد فوق دماغي وانا مكنتش عاملة حسابي .. . = ليه بس يابنتي اهدي واحكيلي الي حصل . .. . _ وائل رجع من السفر وراح زار الزفته الي اسمها ميرفت وخد شريف وراح وكل ده هيقع علي دماغي وفرح هتروح مني ميرفت عاملة نفسها انها هتموت وطالبة تشوف فرح قبل ما تموت والي زاد وغطي عاملة نفسها مجنونه ومش محبوسة في سجن دي في مستشفي امراض عقلية وانا عارفه انها مش مجنونه اسأليني انا دي حية عاوزه تاخد فرح مني انا مصدقت بقي ليا بنت بقت كل حياتي انا فرح لو سابتني وراحتلها هموت والله ياماما هعمل في نفسي حاجه البنت بقت بتحلم بيها كل يوم والموضوع خلاص قرب ينكشف اعمل ايه ياماما . . . = والله يابنتي ما عارفه اقولك ايه بس دي مصيبه سوده طب جوزك ايه خلاه يروح يزورها . . . . . _ وائل ضغط عليه يا ماما انه يروح وهو راح عشان يرضي ضميره انا مش مغلطاه خالص هو كده كده كان لازم يروح بس انا مش عوزاها تشوف فرح اعمل ايه . . . = طيب متروحيلها انتي تزوريها وتشوفيها هتقولك ايه . . . سيبي فرح معايا وروحي دلوقتي الوقت لسه بدري . . . واكيد جوزك قايلك علي مكان المستشفي يعني . . . _ تصدقي فكرة انا هروحلها انا خلي بالك من فرح فروحه انا هنزل اشتري حاجات خليكي قاعدة مع تيتا ومتعمليش شقاوة بقي = حاضر يامامي . . . . نزلت سلمي ووقفت تا**ي وطلبت منه انه يوديها مستشفي الامراض العقلية الخاصة بالمسجونين . . . . _ هو انا ممكن اسأل حضرتك سؤال هو حضرتك رايحه تزوري مين هناك اصل غريبه المجانين دول محدش بيزورهم خالص لأن مخهم بيبقي مفوت ومبيفتكروش حد . . . = هتصدقني لو قولتلك اني رايحه ازور الي قتلت بنتي رايحه اقولها تبعد عني . . . _ يا ساتر يارب البقاء لله بس انا لو حد قتل بنتي هقتله مش هروح ازوره . . . سلمي سمعت الكلام ومنطقتش ولا كلمه تقتل مين دي بتخاف لو شافت صورصار . . . . وصلت سلمي المستشفي كان فيها اعمل صيانة وطلبت انها تشوف ميرفت معرفتهاش اول ماشافتها خست خالص والسجن هدها وجه الوقت الي هيتواجهوا ببعض وكل واحد يطلع الكلام الي جواه يتبع

Free reading for new users

Scan code to download app

App Store Google Play

Facebookexpand_more