Ipinatawag ko si Garran sa silid tanggapan. Nagpumlit na sumama si Alec na bumubuti na ang kalagayan. Kasama ko si Lora at nang dumating ang tatlo ay sinabihan ko siyang sabihin ang nalalaman.
“Mahimbing ang tulog ko simula ng mag labing walo ako. Hindi ko rin maintindihan kung bakit nangyari sa akin iyon. Ang Itay ko ang nag-alaga sa akin. At bilang pagdugtong sa buhay ko na unti unting nawawala sa paglipas ng panahon, ibinibenta niya ang mga halamang gamot kapalit ang parte ng buhay ng bumibili…”
“Kahit na nakapikit ako may mga pagkakataon na gising ang isip at katawan ko kaya naririnig ko si Itay na kausap ang mga bumibili sa kanya. May isa sa mga iyon na, nagkukwento tungkol sa isang libro, sagradong libro. Iyon sana ang ibabayad niya pero hindi naman iyon kailangan ni Itay.”
“Hind
