Parang gustong manliit ni Diane sa sarili nang makita ang venue lalo na ang mga taong umattend sa reunion na iyon. Magagara ang kasuotan. Halos mga successful at mayayaman ang mga dumalo. Sabagay, isa sa pinakasikat na unibersidad sa Pilipinas ang pinasukan ni Ezekiel.
Iniwan siya sandali ni Ezekiel sa upuan dahil may kinausap ito. Mukhang seryoso ang pinag-uusapan ng mga ito.
Napatingin siya sa mga bagong dating. Si Caleb na kasama ang asawa nito, si Axel at Dave na may mga babaeng ka-date din. Kilala na niya ang mga kaibigan ni Ezekiel dahil lagi itong pumupunta sa bar. Si Blake Kent lang ang wala dahil sa Italy na ito nag-stay ayon sa boss niya.
Nginitian siya ng mga kaibigan ni Ezekiel ng makita siya. Si Dave lang ang nakipag-beso sa kanya dahil ito lang din ang ka-close sa hulin
