AKMANG IPIPIKIT NIYA ang mga mata niya nang bumukas ang pinto. Umayos siya ng higa patagilid at hindi na umalaw. Ayaw niyang makipagdiskusyon kay Dave. Naiinis siya.
Mayamaya ay naramdaman niya ang paglubog ng kabilang gilid ng kama. Parang nakaupo ito. Matagal na hindi kumilos si Dave sa bahaging iyon, kaya ganoon din siya, hanggang sa makatulugan niya. Nagising lang siya mula sa yugyog ng kaniyang balikat.
“K-Kuya?” aniyang nakapikit ang isang mata niya.
“Anong oras na, a. Hindi ka pa raw kumakain sabi ni Sir Dave.”
“P-Paano ako kakain kung natutulog ako. Sige nga, Kuya?” Iminulat na niya ang dalawang mata.
Tinampal nito ang noo niya. “Gaga ka talaga. Hala, bumaba ka na diyan. Tapos na ang program, hindi ka pa nagigising. Ano ba kasing ginawa mo kanina?”
“Lumangoy. ‘Yon lang.”
“Ka
