"HOY!"
Napapitlag siya nang marinig ang malakas na boses na iyon. Nilingon niya ito. Si Kendra pala. Nginitian niya ito ng pilit.
"Mukhang hindi maganda ang resulta ng pagpunta mo ng Palawan, a!" ani ng kaibigan habang himas ang tiyan. May nginangata na naman ito. Sa tuwing nakikita niya ito may kinakain ito. Lalo tuloy lumalaki ito. Hindi ba nakakahalata ang boss?
“Sinabi mo pa.” Tumingin siya sa tiyan nito. “Alam na niya?”
Nalungkot ito ng bahagya. “Hindi pa. Pero baka sa monthsary namin. Para surprise. Tingin mo?”
“Puwede rin. Sweet nga, e. Forever na taga sana all na lang ako, teh.” Humaba pa ang nguso niya kapagkuwan.
Mayamaya ay nagpaalam na si Kendra sa kan’ya. Nangangalay na raw kasi ito.
Sinundan niya ito ng tingin. Hindi niya maiwasang makaramdam ng inggit. Mabuti pa tal
