YUANN XENJI'S POV
(Yuji)
NAPAHINTO ako sa pagmamaneho nang igilid ko muna iyong sinasakyan kong kotse. Hindi na gano'n kalinaw ang daan kahit pa nakabukas ang mga ilaw ko sa harap. Masyado nang malakas ang ulan, hindi ko na rin yata kakayaning makapagmaneho nang ganito ang sitwasyon.
Kinuha ko ang telepono ko at dali-daling kinontak si Chary.
"Sagutin mo, please,"
Halos hindi ko na alam ang gagawin ko. Hanggang sa maging out of coverage ang linya. Dala siguro ito ng masamang panahon. Ibinaba ko na lang iyong phone ko at wala sa sariling napahampas sa manibela.
Habang lumalalim ang gabi, mas lalo akong nag-aalala kay Leo. Hindi ko naman inaasahang magkakaganito, eh, 'di na sana ako tumuloy rito kung gano'n lang din naman ang mangyayari sa anak ko.
Dahil sa sobrang lakas ng ulan a
