ANLAKAS nang tawanan ng mga hinayupak nang mawala sa paningin nila ang dalawang dalaga. Inulan siya ng kantiyaw hanggang sa makapasok sila sa gym. Halos sumakit na ang panga at tiyan ng mga ito ngunit hindi pa rin matigil sa kakatawa. Makabag sana silang lahat! Malapit-lapit na niyang batukan ang mga ito dahil hindi pa rin matigil ang tawa ng mga ito sa kanya even mimicking the scene then laughed so d*mn hard once again.
"Kita mo ‘yun, pare? Hindi man lang tinablan ng charm mo?" kantiyaw ni Michael sa kanya.
"Don't you have anything to do aside from pestering me?" panggagaya naman ni Daniel sa linya ng dalaga. Talagang pinalambot pa nito ang tinig upang magaya ang boses ni KC. Nagtawanan ulit ang mga ito dahil sa panggagaya ni Daniel.
"Taob ang charm mo, Nate!" muling kantiyaw ni Mich
