Nakapukos ang mga ilaw sa mga sumaling kandidata at kaunti lang ang lumiliwanag sa mga tao. Isa lang ang masasabi ko, napakaganda naman talaga ni Sophia sa gabing iyon. Bumagay sa kanya ang pulang gown. Hindi na nakakapagtaka na siya ang kinoronahan. Sa kinatatayuan ko mula sa gilid ng covered court kita-kita ko parin kung gaano kakislap ang kanyang mata dahil sa pagkapanalo. Kumaway siya habang nakatayo parin katabi pa ng tatlong kandidata. Doon na rin natapos ang hiyawan ng mga tao na napalitan ng nakakaindak na tugtog. Kinuhanan ko siya ng panghuling litrato sa pagkaway niya. Wala namang problema na parehong anggulo lang ang nakunan. Sapagkat nakapuwesto naman sina Ryan at Max sa iba pang parte mg covered court. Hindi ko lang alam kung saan banda.
Ibinaba ko ang camera at pinagmasdan a
