"Nasaan nga pala si Ton-ton?" Kaswal na tanong ni Dean nang makapagpalit siya ng damit.
Naabutan niya itong tila pinag-aaralan kung paano aayusin ang bumigay na bamboo sofa. Lihim na na-amused si Joanna. Parang normal na tao lang itong nagpupokpok ng martilyo.
"Isinama ni Tiya Doris sa palengke," nilapitan ni Joanna si Dean at inakbayan. "Hayaan mo na 'yan. Ipapaayos ko na lang. Nakakahiya naman kung isang bilyonaryo pa ang mag-aayos niyan. At kasing pogi mo pa."
Tila kinikilig na nilingon siya ng nobyo. "I have to fix this. Baka mamaya, akyatan at talon-talunan ni Ton-ton. Masaktan pa siya." Parang may mainit na kamay ang humaplos sa puso ng dalaga. Na-touched siya sa sinserong pag-alala ni Dean sa anak niya. "Saan ang lakad mo? Ihahatid na kita," Tanong nito habang patuloy pa rin sa p
