"Huwag ka ng magtampo, please? Promise. Kapag hindi na busy si Nanay, ako na mismo ang sasama sa'yo para bumili ng toys. At hindi lang sa palengke, kundi sa mall pa," paglalambing ni Joanna kay Ton-ton.
Ibinilin niya ulit kay Tiya Doris ang anak dahil may importante siyang gagawin at lalakarin.
"But, Nay, you promised me," naka-pout na reklamo ng anak."
Naaawa na hinaplos ni Joanna ang pisngi ng anak. Bihirang-bihira itong magreklamo sa kaunting oras na nailalaan niya. Masuwerte siya sa pagkakaroon ng mabait at matalinong anak, na parang matanda na kung mag-isip. Pero kailangan niyang kumayod ng kumayod para sa kinabukasan ni Ton-ton, sa malinis na paraan.
"Promise, anak. Babawi si nanay, okay? Gagawin natin ang lahat ng gusto mo," yumukod si Joanna para papakin ng halik sa pisngi ang
