"Kaninong apartment ito?" Nagtatakang tanong ni Dean kay Joanna nang makarating sila tapat ng inuupahan niyang apartment. Alam niyang kanina pa nito gustong magtanong sa kaniya. "Sa'yo?"
"Oo. Inuupahan ko 'to. Dito ako tumutuloy kapag ganitong masama ang panahon. O kaya kapag inuumaga ako sa bar. At wala ng masakyan. Mas magastos kasi kung magche-check in ako everytime na kailangan ko ng matutuluyan." Binuksan ni Joanna ang pintuan at pumasok na.
"Ang dami mo namang surprises," sabi sa kaniya ni Dean, na hindi maipaliwanag ni Joanna kung pagtataka ba o amusement ang tinig. "Kanina, ginulat mo ako nang malamang nagtu-tutor ka pala. Tapos ngayon naman, nalaman kong hindi lang pala ang kubo niyo ang tirahan mo."
Nginitian lang niya ang nobyo. Mayamaya'y pinagsasaluhan na nila ang niluto ni
