"Nakakainis ka talaga, Dean! Ang sarap mong lunurin sa dagat," parang batang na nagmamaktol si Joanna habang lumalayo kay Dean. Skilled siya sa maraming bagay pero aminado ang dalaga na takot siya sa height.
Halos kakababa lang nila sa G-Maxxx reverse bungy. Ang buong akala niya kanina ay ordinaryong bungee lang ang sinasabi ni Dean nang yayain siya nito. Pero nagulat si Joanna nang makita ang G-Maxxx. Nasubukan na rin naman niyang mag-bungee fun sa mall. Pero hindi iyon kasing taas at kasing bilis ng sinakyan nila kanina.
Kung wala siyang tiwala kay Dean, nuncang mapapasakay siya doon ng binata. Ferris wheel nga hindi niya kayang tagalan, eh.
May dalawang araw na rin sila dito sa Boracay. Dito siya dinala ni Dean pagkatapos siya nitong "kidnapin" at i
