Naabutan ni Dean si Joanna na nakadapa sa kama habang nagse-cellphone, hindi pa rin maipinta ang mukha ng dalaga. Napangiti siya. Kahit papaano ay alam na niya kung paano alisin ang sumpong nito.
Pagkatapos ilapag sa side table ang mga dala ay sumampa sa kama ang binata. Dumapa siya sa harap ni Joanna at nangalumbaba. Ginaya ni Dean ang posisyon ng girlfriend.
He smiled apologetically at her. Pero inirapan lang siya ng dalaga.
"Galit ka pa rin ba sa'kin, sweetheart?"
"Bakit hindi? Eh, kung may baon nga lang ako na gamot sa sikmura, lumaklak na ako ng isang dosena," asik ng nobya ni Dean.
Sumilay ang malisyosong ngiti sa mga labi ng binata. "Nalula at nahilo ka na d'on? Eh, bakit nakakaya mo kapag nagwi-Wheelbarrow tayo?"
Humagalpak ng tawa si Dean nang hampasin siya nito ng malakas
