"Ano ba ang pumasok sa kukote mo at sumugod ka?" Magkahalong galit at pag-aalala na tanong sa kaniya ni Joanna.
Nasa ospital sila noon at pinagpapahinga lang siya sandali ng nurse na naglinis at gumamot ng sugat niya. Daplis lang naman ang tama ni Dean sa braso kaya puwede na siyang umuwi kaagad. Pinuntahan na rin sila kanina ng pulis na may hawak sa imbestigasyon para kuhanan ng salaysay. Lalo na si Dean. Ang daming tinanong sa kaniya kung bakit bigla na lang siyang sumugod. Ngunit nang makilala ng pulis kung sino siya ay tumigil na rin sa kakaimbestiga.
"Anong tingin mo sa sarili mo? Ikaw si Superman na kayang labanan lahat?" Mangiyak-ngiyak na sermon ulit sa kaniya ng nobya.
Ginagap ni Dean ang mga kamay ng dalaga. "Stop worrying, okay? Daplis lang naman 'to, eh."
Inirapan siya ng
