Walang tao sa terrace at sala nang dumating si Dean. Siguradong nasa farm sina Auntie Vida at Kieran dahil harvest week ngayon ng mangga. Si Kiesha naman alam naman ni Dean na nasa resort na ng mga oras na 'yon. Ang kapatid kasi ni Kieran ang namamahala sa Ramona's Resort na ngayo'y sikat at dinadayo na rin maging ng mga foreigner.
Si Lola Mildred ay baka nagpapahinga pa sa kuwarto. Siguradong napagod ito sa paglibot-libot kahapon sa hacienda.
Kaya naman nakaligtas si Dean sa posibleng magtanong kung napaano ang braso niya. Alam ni Dean na malalaman din ng pamilya niya ang nangyari kaya balak din naman niyang sabihin ang totoo, lalo sa lola niya. Pero hindi iyon ang priority ngayon ni Dean. Gustong-gusto na niyang makita si Kieran dahil may kukumpirmahin siya sa pinsan. Hindi siya mapa
