"Sino ang kausap mo, heart?" Kunot-noong salubong sa kaniya ni Joanna.
At napaghandaan na iyon ni Dean habang papalapit siya kanina sa dalaga. Ayaw niya itong mapahamak, sakali mang magkatotoo ang kutob nila ni Nicolo tungkol kay Gemaima, kaya mabuti ng wala itong alam.
"Ah 'yon ba? Dati kong kakilala dito sa Balagtas," pagsisinungaling ni Dean. "Nagulat nga ako nang may kumalabit sa'kin. Nakaka-amaze lang na may nakakilala pa sa'kin dito."
Ngumiti si Joanna. "Sino naman kasi ang makakalimot sa pinakaunang heartrob ng Donya Ramona's College? At sa panganay na apo ni Donya Mildred?"
Lihim na nagpasalamat si Dean at hindi nakahalata si Joanna sa pagsisinungaling niya. Magiliw niyang pinisil ang baba ng dalaga. "Hmm. Ang heartrob na nainlove sa isang probinsiyana. Sa pinakamagandang prob
