Sandaling napatigil sa paghakbang palabas ng banyo si Joanna nang marinig ang malutong na tawa ni Ton-ton. Parang ngayon lang niya uli narinig na tumawa ng gan'on ang anak niya. Na para bang aliw na aliw.
Kumunot ang noo ni Joanna. Iniisip niya kung sino ang kasama ng anak. Siguradong hindi si Tiya Doris dahil sinabihan na niya ito na huwag pumunta ngayon.
Halos takbuhin ni Joanna ang pagpasok sa bahay nang maalala ang posibleng kalaro ni Ton-ton.
Parang hinaplos ang puso ni Joanna nang maabutan sina Dean at Ton-ton na masayang naglalaro sa sala. Parang batang nakasalampak sa sahig si Dean at nakikipaglaro kay Ton-ton. Tuwang-tuwa naman ang anak niya, lalo pa't mukhang may bago na naman itong mga laruan.
"Hindi ba't pinaalis na kita kanina?" Pukaw ni Joanna sa atensiyon ni Dean.
Nag-
