Lunes ang araw na walang pasok sa bar si Joanna. Kaya naman maaga siyang nagising para makaalis sila kaagad ni Ton-ton. Ngayon kasi ang araw na narinig niyang pinangakuan ni Dean ang anak niya na dadalhin ito sa Ramona's Mansion para sa birthday ni Donya Mildred. At paulit-ulit din itong binanggit sa kaniya ni Ton-ton.
Duda man na tuparin ni Dean ang pangako nito sa anak niya, pagkatapos niya itong pagtabuyan,gusto pa ring makasiguro ni Joanna na hindi madadala ni Dean ang anak niya. Ayaw niyang magkalapit ang dalawa. Ayaw niyang masaktan si Ton-ton kapag umalis na si Dean sa buhay nila.
Kaya aalis sila ngayong araw. Desidido na si Joanna na layuan si Dean. Dahil kung ano man ang totoong binabalak ni Dean sa pakikipaglapit nito sa kaniya, siguradong hindi ito titigil, lalo pa't alam na n
