Halos hindi na natulog si Dean nang araw na iyon. Gustong-gusto na niyang puntahan si Joanna para magsorry. Kaya naman pagkaligo ay dali-dali siyang bumaba.
"p*****n na naman?!" Napatigil sa pagbaba ng hagdan si Dean nang marinig ang tili ng nakababatang kapatid ni Kieran na si Kiesha habang nanonood ng TV. "Kailan ba matatapos ang p*****n dito sa Bacolod?"
"Kawawa naman ang biktima. Foreigner pa pala. Siguradong nagluluksa ngayon ang pamilya niya sa Russia."
Kumunot ang noo ni Dean sa narinig na sinabi ng abuela. Nagmamadali siyang bumaba para makibalita. Hindi niya kasi maintindihan kung bakit bigla ang paglakas ng kabog ng puso niya nang maalala ang nangyari kagabi.
"Kahit dito sa newspaper, tungkol din sa Russian national na walang awang binaril ang headline," dugtong pa ni Auntie
