Samantala, nasa garden silang mag-ina ng hapon na iyon ng tumunog ang doorbell.
"Mukhang bumalik ang Lolo mo, anak. Saglit lang at pagbubuksan ko, kawawa naman ang mga katulong kung mandidisturbo tayo sa kanila," ani Mariz Kaye sa anak.
Ang FLYING DRAGON! Parang alam na ang mundo dahil humagikhik ito, gumalaw-galaw pa ito.
"Aba'y ang baby ko marunong nang makipag-usap," hindi niya napigilang sambit bago tinungo ang gate.
Then...
"Kuya Ron! Kuya Bong! Kuya Mundo! Kayo pala, pasok kayo. Kaya naman pala mukhang nasa mode ang baby ko dahil mga tiyuhin niya ang sumugod. Diyan tayo sa garden dahil nandiyan si baby." Sinalubong niya ang mga kuya-kuyahan ng may ngiti sa labi.
Halos isang buwan na silang nakabalik sa siyudad at nang hapon lang na iyon sila nagkita-kita. Masaya siya na muli n
