"Dahan-dahan lang, Mariz. Saan ka ba pupunta at ganyan ka magmadali?" tanong ni MaCon sa anak.
Para itong namatayan nang dumating mula sa helipad kung saan nangyari ang lahat, pero sa oras na iyon ay kabaliktaran naman. Kulang na lamang ay liparin nito ang mga baitang ng hagdan. Sa madaling salita ay para itong sinilihan sa puwet dahil sa pagmamadali.
"Mommy, ikaw na muna ang bahala kay Baby Sean. May pupuntahan lang po ako," tugon nito. Hindi man lang pinagkaabalahang lingunin ang ina.
"Hindi iyan ang tinatanong ko, Mariz! Kahit hindi mo sabihin ay gagawin ko, ang tanong saan ka ba pupunta? Sa pagmamadali mo ay nakalimutan mo na yata ang manners mo!" Napataas ang boses ng Ginang dahil hindi nito maunawaan ang ikinikilos ng anak.
Dahil dito ay natigilan si Mariz. Hindi naman sa ayaw ni
