"Bro, maaring magtanong?" pukaw ng kapwa trainee kay Sean. Isang hapon na nasa silid na silang lahat.
"Oo naman, bro. Ano ba iyon?" balik-tanong ng binata.
"Sean Emerson Xavier ang buo mong pangalan, diba? Kaano-ano mo ang big boss ng Xavier Training Centre?" sunod-sunod nitong wika.
Sa tanong na iyon ng kapwa trainee ay natigilan si Sean. Kaya nga siya pumasok sa ibang grupo dahil ayaw niyang maitanong iyon ng mga tao. Dahil nagsasawa rin siya special attention mula sa kapwa. Samantalang pare-parehas naman silang lahat. Kung may pagkakaiba man siguro siya sa ordinary people ay tungkol sa pera. Ganoon pa man ay tumugon pa rin siya.
"ISA ako sa apo ni Lolo Jolbon Xavier o ang founder ng training center na tinatanong mo, bro. Pero pasensiya ka na kung hihilingin ko sa iyo na huwag mong
