NANG MAKALABAS ay agad na hinanap ni King si nanay Let. Kaliwa at kanan pa siyang naghahanap at nang makita ang aninong dumaan sa likuran ng bahay ay agad niya itong sinundan.
“Sandali, Letisia. Hintayin mo ako!” pagtawag niya rito pero imbes na tumigil ay lalo lamang itong nagmamadaling maglakad.
Dahil ayaw tumigil ni King sa kahahabol, nasagi ang isang daliri sa paa niya at natapilok ang matanda. “Aray! Arekupo!”
Natigil naman sa paglalakad nang mabilis si nanay Let at nilingon ang matandang hindi nag-iingat. Napabuntong-hininga pa muna ito at umiling bago lumapit sa kinaroroonan niya. Inalalayan niya muna itong tumayo at pinaupo sa malapit na bench sa lokasyon nila. Tiningnan ni nanay Let ang sugat sa daliri ng paa nito pero wala namang nakita.
“Arekupo!” pagkukunwari ni King. M
