KINABUKASAN, nagising ako sa maagang katok sa aking pinto. "Bukas 'yan," sagot ko na inaàntok pa. Nanatiling nakapikit ang aking mga mata.
"Good morning, hija. Narito na ang breakfast at vitamins mo." Tinig pa lang ni Aling Yolly ay napangiti na ako.
"Good morning, Aling Yolly."
Dahan-dahan kong idinilat ang aking mga mata. Sinalubong ang nakangiting mga mata ni Aling Yolly.
"Salamat sa Panginoon at nagising kang nakangiti. Pero hindi maipagkakaila na kagagaling mo lang sa pag-iyak kagabi. Mugto ang dalawa mong mata, hija."
Ngumiti ako rito. At hayan na naman ang mga luhang kusang tumulo mula sa aking mga mata. "Namiss ko po iyong mga sandaling magkasama kami na buo pa ang pamilya ko."
"Ma'am, may babae pong nagwawala sa labas ng mansion," sumbong ng isang kasambahay. Nagkatinginan
