Lailani
"Ibibigay mo pa rin ba ako kahit sabihin kong gusto na kita?" nasa loob pa kami ng kotse niya. Itinigil niya iyon sa labas ng mansion. Akala ko, ihahatid niya na ako sa bahay ni Vander pro hindi pa pala. Ang sabi niya dadaan muna kami sa mansion para kunin ang mga gamit ko.
Naiiyak ako pero hindi ko pinapahalata sa kaniya. Bakit sa sandaling panahon ng pagsasama namin dalawa, natutunan ko kaagad siyang mahalin. Bakit kasi hindi na lang si Vander ang minahal ko, ng hindi sana ako nasasaktan ng ganito.
Matagal ang sagot niya. Yumuko siya at itinukod ang noo sa manibela. Pinagmasdan ko siya. Hinihintay ko ang sagot niya na sana sabihin niyang gusto niya rin ako at hindi niya ako ibibigay kay Vander.
Tumingin siya sa 'kin. Pero sandali lang yo'n at tumingin na sa harapan.
"Bei
