EPISODE 33
CRY
GABRIELLA’S POINT OF VIEW.
Sinukuan na niya ako.
Parang kahapon lang ang saya-saya namin ni Aki na magkasama. Ilang ulit din kaming nagpalitan ng salita kung gaano namin kamahal ang isa’t isa. Anong nangyari? Bakit naging ganoon na siya sa akin? Sigurado akong may nangyari na hindi maganda.
“Anak, ang aga mo naman atang umuwi galing paaralan. Wala na ba kayong klase?” tanong ni Mommy sa akin.
Napansin kong madalas na siya rito sa bahay at hindi na rin siya pumupunta sa plantasyon kasama si Daddy. Halatang binabantayan ni Mommy ang mga galaw ko rito sa bahay upang hindi ako makatakas.
Matamlay akong humarap sa kanya.
“Wala na kaming klase,” walang emosyon kong sabi.
Humakbang na ako papaakyat sa hagdan nang tawagin ulit ni Mommy ang aking pangalan. Nilingon ko siy
