Isa't kalahating linggo na ang lumipas nang magkainitan sina Don Primo at Vanessa dahil sa'kin. Iniwan kami ng matanda noong araw na iyon na mariing tinututulan ang relasyon namin. Hindi ko alam ang gagawin. Bagama't alam nina Sir Alphonse at Ma'am Hermine ang namamagitan sa amin ng kanilang anak, wala naman silang naging imik. Hindi ako kailanman nakarinig ng masasamang bagay mula sa kanila hinggil dito. Halos lahat ng tao sa mansyon ay alam na rin ang tungkol sa'min ng dalaga. Maski si Vine at Carla ay hindi na nagtatanong dahil nakakaramdam na.
Nanghihina pa rin si Vanessa. Matapos ang pagsakit ng sugat niya ng araw na iyon ay napag-alaman sa x-ray result na may dugo sa baga niya na kailangang alisin. Masakit sa'king makita ang napakatapang na dalagang sinaksakan sa gilid na bahagi ng
