Kanina pa naka-alis si Daren sa cottage house ngunit hindi pa rin ako umaalis sa kinatatayuan ko. Bigla kasing nanghina ang tuhod ko at hindi ko maigalaw ang katawan ko. Isang kiss lang 'yon pero para naging bato ako. Nararamdaman ko rin ang pag-iinit ng mukha ko maging ang kamay ko ay patuloy ang panginginig.
"Are you okay?" takang tanong ni Francie sa'kin.
"Ha?" saka lang ako kumilos at umalis sa pwesto ko.
"Bakit nakatayo ka lang diyan. Halika sa labas mag-swimming tayo," hinawakan niya ang kamay ko.
Tumango at pagkatapos ay lumabas kami Francie. Nakita ko si Daren sa dalampasigan at naliligo kasama si Dyroth si Sarah naman ay nag sunbathing.
"Girls! Tara na maligo na kayo!" sigaw ni Dyroth.
Nagtakbuhan ang dalawa sa dagat samantalang ako ay nakatayo lang habang pinapanood sila.
