“Tama ba ang pagkakaintindi ko? Pumayag kang maging tayo na?” Nanlalaki ang mga mata ni Ruthanya na titig na titig kay Luther. Ang alam niya ay ‘Sure, why the hell not’ ang itinugon nito sa kanya, subalit natatakot siyang baka may iba itong nais ipahiwatig o interpretasyon. May iba pa bang ibig sabihin ang mga salitang iyon maliban sa pumapayag itong maging magkarelasyon na sila?
Itinukod ni Luther ang isang siko sa counter at bahagyang iniyuko ang ulo upang maabot ng kamay nito ang buhok. He then ran his fingers through his disheveled hair, and one corner of his lips twisted into a small smile. “Tama ang dinig mo, Ruth.”
Bumukas-sara ang bibig niya, ganoon din ang kanyang mga mata. Nang inilahad niya ang proposisyon kay Luther, naihanda na niya ang sarili niya sa magiging pagtanggi nito
