PAGBUKAS ni Raven sa pinto ng kaniyang dorm ay ang ngiting-ngiti na magandang mukha ni Miss Dalyn Reyes ang bumungad sa kaniya. Ngunit ang ngiti nitong iyon ay unti-unting nawala nang makita ang hitsura niya.
“Oh, what happen? Akala ko ba, ngayon mo na balak na ipakita sa lahat ang bago mong hitsura?”
Bukod sa bago niyang hairstyle at magandang shape ng kilay… na nagdagdag ng karisma sa kaniyang katauhan ay wala na siyang ibang binago pa. Wala ring kabahid-bahid ng makeup ang kaniyang mukha.
“Nagdadalawang isip po ako, Miss Dalyn.”
“Gumising ka ng maaga pero hindi ka man lang nag-ayos. Kung mayroon lang akong magic wand, nag-magic na ako. Anyways, may gaganaping Acquaintance Ball sa Friday night. Gusto mo bang doon na lang ilabas ang totoo mong ganda?”
Tumango siya. “Kung okay lang po
