ACQUAINTANCE Ball na mamayang gabi. May nakahanda na ring dress si Raven para. Pinadalhan siya mismo ni Miss Dalyn sa kaniyang dorm. Maging ang high heels shoes na dapat niyang isuot. Binilinan siya nito na mag-practice maglakad suot ang high heel shoes. Bagay na isinagawa niya sa mga nakalipas na araw at masasabi niyang improving siya sa part na iyon.
“A-attend ka ba mamayang gabi sa acquaintance?” tanong pa ni Magi kay Raven. “I bet not. For sure, wala kang isusuot,” anito na tumawa pa bago siya tinalikuran.
Ang saya-saya talaga ni Magi kapag pinagsasalitaan siya nito ng ganoon.
Huminga siya nang malalim para paluwagin ang dibdib. Puwes, mamayang gabi ay makikita na ng mga ito ang malaking pagbabago sa babaeng nilalait ng mga ito.
Sa halip na sumama ang loob o ano pa man ay nakuha pa
