PAKIRAMDAM ni Raven ay isa siyang papel na tangay-tangay ng hangin ng mga sandaling iyon. At ang hangin na iyon ay walang iba kung ‘di si Lhorde.
Mga nakahanay pa sa may kalsada ang mga bodyguard nito, to ensure, na walang mga sasakyan na dadaan habang tumatawid ang amo ng mga ito.
Agad na binuksan ng isang bodyguard ang pinto sa may backseat ng kotse. Ang eksena na iyon ay para bang isang deja vu kay Raven. Ang kaibahan lang ay nasa Ellison University sila at mas maraming mga mata ang nakakakita sa kanila ni Lhorde na magkasama.
Hinila ni Raven ang kaniyang kamay na hawak ni Lhorde.
“Sumakay ka na, Raven,” wala pa ring kangiti-ngiting wika ni Lhorde sa kaniya.
Gusto niyang makipagtalo kay Lhorde pero alam niya na hindi applicable ang lugar na iyon para doon. Lalo na at maraming ususe
