HANGGANG sa makarating si Raven sa kaniyang dorm ay hindi pa rin mawala ang panlalambot ng kaniyang pakiramdam. Pabagsak siyang naupo sa malambot na sofa sa salas.
Huminga pa siya nang malalim at sandaling ipinikit ang mga mata. Sinisikap na kalmahin ang sarili maging ang kaniyang puso na mabilis pa rin ang t***k.
Never in her wildest dream na gagawin ni Lhorde ang ganoong stunt. Sigurado siya na ng mga sandaling iyon ay kalat na kalat na sa buong campus ang ginawang iyon ng binata.
Nang magmulat siya ng mga mata ay napabuntong-hininga pa siya.
“Lhorde,” anas pa niya.
Muli ay na-imagine niya ang seryoso nitong mukha. Pinatigil ba nito ang kinasasakyan nito dahil nakita siya ni Lhorde na kausap si Clayton?
Pero bakit kailangan nitong magalit?
Ayaw niyang isipin na nagseseslos ito. Ip
