PAKIRAMDAM ni Raven ay muli siyang ipinanganak sa mundo. Ganoong level. Sa isang iglap din ay nawala ang kung ano mang galit na namamahay sa kaniyang puso dahil mas nangingibabaw roon ang kasiyahan.
Kasiyahan dahil maliwanag pa sa sikat ng araw ang bagong buhay na naghihintay sa kaniya, dalawang linggo mula ngayon. Dahil iyon ang araw na pupunta na siya sa Ellison University. Doon ay magkakaroon ng briefing bago sila dalhin sa tutuluyan nilang dorm na nasa vicinity lang din ng Ellison University.
Muling pinagmasdan ni Raven ang card na ipinadala sa kaniya ng Ellison University. Hindi pa rin siya makapaniwala na isa siya sa naka-perfect ng exam.
Gusto na niyang maniwala na mayroon talagang destiny. At ang Ellison University ang kaniyang destiny.
Itinago niyang mabuti ang card at natulog
