PAPUTOK pa lang ang haring araw nang tahimik na lisanin ni Raven ang kanilang bahay. Hindi siya nagpaalam sa kaniyang madrasta dahil tiyak niya na hindi ito papayag na umalis siya. Baka gawin pa nito ang isa sa ikinatatakot niya, ang ikulong siya sa madilim na silid sa likod-bahay para hindi siya makaalis. Bagay na hindi niya hahayaang mangyari. Kaya maaga pa lang ay umalis na siya.
Nag-iwan siya ng kapirasong papel sa may hapagkainan na nagsasabing huwag na siyang hahanapin pa. Dahil wala na siyang balak pang bumalik sa bahay na iyon ng kaniyang ama.
Mamaya pa naman ang gising ng mag-ina. Siguradong nasa Ellison University na siya kapag sumapit ang oras na iyon.
May dala siyang isang backpack at isang sports bag na naglalaman ng kaniyang mga damit na iilang piraso lang naman. Hindi na
