BIGLA, tila ang bawat araw para kay Raven ay isang malaking pagsubok. Lalo na kung papasok na siya tuwing umaga. Lahat ng mata ay sa kaniya nakatutok. Lahat din halos ay kilala na siya. Bagay na isa sa ikinagagalit ni Magi dahil mas nauna pang sumikat ang pangalan niya sa buong Ellison University.
Kung siya lang ang masusunod, mas gugustuhin pa niya na walang nakakakilala sa kaniya sa pinapasukang paaralan. Para sana tahimik ang buhay niya. Iyon ang inaasahan niyang magiging buhay niya sa Ellison University. Ngunit hindi nakiayon sa kaniya ang pagkakataon. Dahil naging mas maingay pa kaysa sa kaniyang inaasahan ang kaniyang pangalan.
Oras ng tanghalian, ipinasya ni Raven na mag-stay sa department building nila. Pumasok siya sa fire exit nang walang nakakapansin at tinahak ang rooftop. Do
