NANG MAHIGA si Raven sa kaniyang malambot na kama ay napatitig pa siya sa salamin. Napapikit siya nang maalala ang guwapong mukha ni Lhorde. Sa loob ng maghapon, pakiramdam na naman niya ay napakaraming ganap.
Sigurado siya na wala ng makapipigil pa kay Lhorde kung makikipaglapit itong muli sa kaniya. At ang grupo naman ni Garette…
Muli siyang nagmulat ng mga mata.
Hindi naman siya bobo para hindi ma-gets kung bakit hindi nagagalit sa kaniya ang mga ito dahil sa kalat na kalat na balita ngayon sa Ellison University tungkol sa kanila ni Lhorde.
Lalo na si Garette. Gusto lang din nitong mapalapit kay Lhorde sa pamamagitan niya.
“Tomorrow, kung sasabay kang mag-lunch kay Lhorde, go ahead, Raven. Basta ba, ‘wag mong kakalimutan na personal akong ipakilala kay Lhorde,” naalala pa ni Raven
