NAKAHAWAK lang si Raven sa isang libro pero hindi niya iyon magawang kunin mula sa book shelves sa library. Basta nakahawak lang siya roon at nakatitig doon. Pero ang isip niya, pinalad na sa malayo.
Wala na ngang nangangahas na i-bully siya. Pero bakit hindi siya masaya? Dapat masaya ang pakiramdam niya. Para kasing may kulang.
Napabuntong-hininga siya.
“Hindi ka ba nangangalay sa paghawak sa libro na ‘yan?”
Ang tinig na iyon ang nagpakurap kay Raven at animo nagpabalik sa realidad. Lihim pa siyang napalunok.
Narinig ba talaga niya ang boses na iyon o guni-guni lang? Sa isip ay bumilang pa siya ng isa hanggang tatlo bago nagawang tumingin sa pinanggalingan ng boses na iyon.
Nabitiwan niya ang hawak na libro dahilan para mahulog iyon. Sa kamalasan pa, tumama pa iyon sa paa niya.
Imp
