KAHIT NA ano pang tulak ngayon ni Raven palayo kay Lhorde, sarili niya mismo, hindi magtagumpay. Paano pa ba siya mananalo kay Lhorde? Tiwala ito na kaya niya, pero mas determinado pa rin ito na hindi siya mag-isa lang. Mas gusto pa rin nito na samahan siya.
Unti-unting nagbaba ng tingin si Raven. “Baka pagsisihan mo ‘yang desisyon mo, Lhorde. Hindi mo kailangang magpadalus-dalos.”
“Mas pagsisisihan ko kapag hindi ko ‘to ginawa, Raven. Pinagsisihan ko na ‘yong naging unang aksiyon ko. It’s not right to ignore you.”
“Hindi naman ako VIP para pagkaabalahan mo pa. Pakiramdam ko, Lhorde, hindi naman ako worth it ng effort at oras mo. Sino lang ba ako, ‘di ba? Kumpara sa iyo at sa lahat ng nasa Ellison University.”
“Hayan ka na naman. Ang hilig mong i-down ang sarili mo. ‘Yong pinanggalinga
