PAKIRAMDAM ni Janicah ay pinaglaruan lang siya ni Ezekiel. Na hindi talaga siya nito nagawang seryosohin. Dahil kung totoo ito sa kaniya, bakit naglalaan ito ng oras sa babaeng, anito, hindi ito interesado?
Tapos ngayon, masasaksihan ng dalawang mga mata niya na magkasama ang mga ito? At si Chyryll pa talaga ang mas pinili nitong salubungin kanina pagkadating nila kaysa sa kaniya.
Pumikit siya nang mariin.
Lord, sorry. s**t lang po talaga. Bakit parang totoong-totoo naman ‘yong mga sinasabi niya noon? Ang sweetness niya? Ang pagiging-caring? Parang totoong-totoo. O baka naman magaling lang siyang artista?
Kinukuha lang nito ang loob niya dahil ayaw siya nitong maging bahagi ng pamilya nito?
‘Di ba nga, Janicah, galit na galit sa iyo si Ezekiel nang malaman na ikaw ang babaeng tinutuko
