TUTOK ang buong atensiyon ni Janicah sa screen ng kaniyang laptop. Nagsasalita kasi si Mrs. Dizon, ang kaniyang instructor, kaya naman hindi niya inaalis sa monitor ang kaniyang tingin.
Napakurap-kurap lang siya nang may maglapag ng tray sa may gilid niya. Pag-angat niya ng tingin ay ang guwapong mukha ni Ezekiel ang nasilayan niya. Kumunot ang noo niya.
“Ano’ng ginagawa mo rito?” anas niya sa asawa.
Itinuro lang nito ang dinalang pagkain niya. Isang sulyap pa ni Ezekiel sa monitor ng kaniyang laptop bago nangingiting umalis na rin ng study room.
May kunot pa sa kaniyang noo nang muli siyang magbaling ng tingin sa kaniyang instructor. At bakit ngumiti pa si Ezekiel? Hindi nakalampas sa kaniya ang pagngiti nito kanina. Para saan iyon?
Napasulyap siya sa pagkaing dinala ni Ezekiel. Mery
