HINDI magawang tumuloy ni Janicah papasok sa master bedroom. Napalunok pa siya. Wala naman sa loob si Ezekiel, pero ang kabog sa dibdib niya ay hindi na naman magkamayaw.
Ipinilig niya ang ulo. “H-hindi,” anas niya bago pumihit patalikod sa nakapinid na pinto ng master bedroom.
Gabi na at tapos na rin silang maghapunan ni Ezekiel. At ang sunod nilang gagawin? Ano pa nga ba, kung hindi ang matulog sa iisang silid.
It’s been six years since the last time na natulog silang magkatabi sa iisang kama at… at iyon din iyong panahon na isinuko niya ang sarili sa asawa.
Advance na kung advance siyang mag-isip. Pero paano kung mag-first move pa si Ezekiel sa kaniya? Baka hindi siya makatanggi kapag nahuli nito ang kahinaan niya.
May pagmamadali na hinayon niya ang dating silid na ngayon ay isa n
