PAGKABABA sa sinakyang jeep ay agad na tumawid sa kabilang kalye si Janicah. Naroon kasi ang flower farm.
“Good morning po,” masigla pa niyang bati sa guard na nasa may guard house sa may gate na siyang nagbukas sa kaniya para makapasok sa loob.
Tatlong araw rin siyang hindi nakapunta sa flower farm. Sigurado siya na marami siyang trabaho na kailangang gawin. At sa tatlong araw na iyon, tiyak niya na may mga ligaw na d**o na nagsitubuan na naman sa loob ng green house.
Ang mabilis niyang paglalakad ay unti-unting bumagal nang maalala na naman niya ang kaniyang kapatid na si Jayson. Nawala rin ang ngiti sa labi niya.
Lunes na sila ng hapon nakauwi ng kaniyang Ate Jossa sa San Fernando. At iyon nga ay kahapon lamang. Kung siya lang din ang masusunod, mas gugustuhin niya na siya ang magba
