HALOS magsalubong pa rin ang mga kilay ni Janicah habang ang mga tingin ay hindi niya inaalis sa may fish pond. May mga malalaking koi fish na naglalanguyan ngunit wala roon ang mismong atensiyon niya.
Huminga siya nang malalim para paluwagin ang naninikip niyang dibdib.
Close ba sila ni Ezekiel? Bakit ganoon kalambing ang approach ng babaeng ‘yon sa kaniya?
Hindi maikakaila ang pagiging elegante ng babae. Para bang nakakahiyang itabi ang isang basahan na katulad niya sa babaeng iyon na may magandang dress na suot na daig pa ang a-attend ng isang party. Bigla ay para bang nasira ang ilusyon niya sa binata dahil sa pagsulpot ng naturang babae. Ayaw niyang aminin na mas bagay tingnan ang mga ito. Pakiramdam niya ay nadudurog lalo ang puso niyang lihim kung umibig sa binata.
Kung gaano ka
