NAPALUNOK si Janicah.
Bakit bumalik si Mang Isko? iyon ang tanong sa isipan niya.
Ramdam niya ang paghigpit ng kapit ni Inang Tina sa braso ni Janicah. “May nakalimutan ka ba?” tanong pa nito sa asawa.
Bakas ang nagdududang tingin ni Mang Isko kay Inang Tina. “Tina,” matigas nitong bulalas. “‘Wag mong sabihing sinabi mo sa kaniya?”
“A-ang alin?” pagmamaang-maangan pa ni Inang Tina.
Sa halip na sumagot si Mang Isko ay lumapit ito sa kanila. Walang imik na hinawakan ni Mang Isko sa braso si Janicah at hinila palabas ng bahay.
“I-Isko, maawa ka sa kaniya,” ani Inang Tina na pilit ding hinihila pabalik si Janicah mula sa asawa.
Sumubok magpumiglas ni Janicah mula sa pagkakahawak ni Mang Isko ngunit mas malakas ito sa kaniya. Palibhasa ay batak sa trabahong bukid.
Humantong sila sa may
