HINDI maiwasang balikan ni Ezekiel sa isip ang nangyari kaninang umaga sa flower farm…
Matapos alisin ang pagpupuyos na nararamdaman sa kaniyang dibdib ay walang pagdadalawang isip na sumunod siya kay Janicah sa may green house. Nang buksan niya ang pinto sa may main door ay hindi niya magawang pumasok dahil mababasa siya ng tubig mula sa water mister. Umakma siya na isasara na ulit ang pinto nang may matanawan siyang bulto sa may patio.
Kumunot pa ang kaniyang noo nang matitigan iyong mabuti. It was Janicah.
Nagpapakabasa ito sa tubig?
Muli niyang isinara ang pinto sa may main door at dumaan sa may back door. Hinanap niya kung nasaan ang gripo. Agad naman niyang nakita ang gripo na kumukontrol sa daloy ng tubig sa mga water mister. Pinatay na niya iyon.
Saka lang niya nagawang lapita
