BAGO pa mapako ng tuluyan ang mga mata ni Janicah sa simpatikong lalaki na nasa harapan niya ay pasimple siyang nagbaba ng tingin. Ayaw niyang makahalata si Don Alonzo na nakilala na niya ang apo nito. Kung bakit maging ang Don ay wala man lang naulit sa kaniya na bisita pala nito roon ang apo nito.
Kung maaari lang maglaho siya sa harapan ni Ezekiel ay ginawa na niya. Ramdam niya ang pagtitig nito sa kaniya. Ang sarap lang sawayin. Ganoon pa man ay nagpaka-kaswal pa rin siya.
“Kain po,” nakangiti pa niyang baling kay Don Alonzo.
Si Ezekiel naman ay pinaglipat pa ang tingin kay Janicah at sa lolo nito.
“Salamat. Kumain ka lang. Ikaw rin, Ezekiel, apo. Siguradong napagod ka kanina sa pag-ho-horseback riding mo,” baling naman ni Don Alonzo kay Ezekiel.
Horseback riding? Bigla ay naalala
