LITERAL na parang itinulos si Janicah sa kaniyang kinatatayuan nang mapagsino ang nagbukas ng pinto sa silid na iyon. Maging ang paghinga niya ay halos mapigilan niya.
Hindi siya maaaring magkamali, iyon din iyong lalaki na tinulungan niya sa Maynila noong nakaraang araw. Lihim siyang napalunok. Sino ba ang makakalimot agad sa napakaguwapong mukhang iyon? Hanggang ngayon nga ay napakalinaw pa rin sa kaniya.
Maging ito ay halos hindi alisin ang pagkakatitig sa kaniya. Kitang-kita kung paanong masurpresa ang mga mata nitong iyon na kung makatitig ay animo tagusan sa kaniyang kaluluwa.
Wala itong suot na damit. Ang damit nito ay nakasampay sa may balikat nito. Kaya naman hantad na hantad din ang makisig nitong pangangatawan. Iyon din ang unang pagkakataon na nakakita ng abs ng lalaki si Ja
